الاختلاف از پرھنوزادہ طارق حسین کشمیری

_________________مدت الحیض_______________
حیض کی مدت ہے نزد بوحنیفہ تین دن
اکثرِ مدت ہے دس تک پیارے طالب خوب سن
نزدِ احمد، شافعی کم ایک ہے پندرہ کثیر
نزدِ مالک کم نہیں کچھ اور ہے سترہ کثیر
________________مدت نفاس_________________
اتفاقاً ہے نہیں مدت قلیلاً در نفاس
نزدِ مالک ، شافعی ہے ساٹھ لیتے ہیں قیاس
بوحنیفہ اور احمد نے کہا چالیس دن
یاد کر اقوال سارے اور ان کو خوب گن
____________________الوان الحیض________________
خون کے رنگوں میں ما بین الائمہ ہے خلاف
غور سے طالب تو پڑھ لے لکھ رہا ہوں صاف صاف
نزدِ احمد، شافعی ہے سرخ یا پھر کالا رنگ
نزدِ مالک سرخ و زرد و کالا و مٹیالا رنگ
نزدِ اعظم تربتی و سرخ و زرد و رنگ سواد
پھر ہے پیلا اور گدھلا یوں ہیں رنگ بے اعتماد
___________________اقسام المستحاضہ________________
نزدِ اعظم مستحاضہ کی یہی پہچان ہے
ابتداءً آگیا یا عادت و حیران ہے
چار کا نزدِ ثلاثہ مستحاضہ میں حصار
تین گزری اور ہے ذاتِ ممیّز کا شمار
__________________احکام المستحاضہ_________________
ابتداء کا حکم بس ترکِ صلوٰۃ و صوم ہے
اور حکم یہ مستحاضہ کا فقط دس یوم ہے
عادیہ دس دن صلوٰۃ و صوم چھوڑے ہاں مگر
خون جاری ہو تو لوٹاے فرض اعتاد پر
حائرۂ یعنی عدد سے تین دن چھوڑے  نماز
بعد اس کے سات دن وہ غسل سے جوڑے نماز
آنے والے حیض تک آگے نہیں دشوار ہے
سب نمازوں کے لئے پھر بس وضوء درکار ہے
حائراۓ وقت کو عادت تلک چاہے وضوء
اور غسل مطلوب ہے  در روزہاۓ بعدہٗ
ضالۂ وقت و عدد کو تین دن چاہے وضوء
اور ستائیس دن پھر ہو غسل سے سرخرو
_________________الوضوء لوقت الصلوۃ________________
مستحاضہ وقت کی خاطر کرے گی بس وضوء
بوحنیفہ اور احمد کی یہی ہے گفتگو
ہر فرض با نفل کی خاطر وضوء کر لے نیا
یہ امامِ شافعی صاحب کا ہے قولِ صفا
_________________منع الحائض________________
اھل سنت والجماعت سب ائمہ نے کہا
حائضہ ترک نماز و صوم کی کر لے قضاء
البتہ روزہ،نمازوں کی قضاء کر لے ضرور
یہ روافض نے کہا ہے  جبکہ ہو وقتِ طہور
___________________اتیان الحائض_________________
اور جماعِ حائضہ پر چاہے استغفار ہاں
یہ تھا مسلک اربعہ کا اب ہے کچھ تکرار ہاں
اک روایت احمد و قولِ قدیم شافعی
صدقۓ دینار دیوے یا نصف دینار ہی
________________باب فی الجنب یقرأ________________
ظاہریہ نے کہا جنبی پڑھے قرآن کو
شافعی نے مطلقاً روکا ہے اس انسان کو
مروی ہیں قولین از نعمان و شیخ حنبلی
کم از آیت ہے اباحت اور مثل شافعی
حضرت مالک ہیں کہتے ایک دو آیت پڑھے
یعنی کم ہو جوبھی کوئی چھوٹی سی صورت پڑھے
__________________تجدید الوضوء_______________
پھر وضوء بھی سب نمازوں کے لیے چاہے نیا
مستحب ہے اھل سنت و الجماعت نے کہا
شافعی کہتے ہیں پہلے کچھ  عمل کر لے ضرور
فرض و نفل و مسح مصحف یا فصل کرلے ضرور
حنفیہ پہلے وضوء سے ہیں عبادت پر مصر
یا فصل ہو جاے تو پھر ہے نہیں ایسا مضر
___________________تیمم للجنب________________
اور تیمم للوضو ثابت ہے اجماعاً جناب
پھر جنابت پر بھی آیا ہے تیمم کا خطاب
چاہۓ جنسِ زمیں بس نزدِ اعظم، مالکی
چاہۓ مٹی فقط بس نزد احمد شافعی
______________الحائض تتناول الشیٔ من المسجد______________
حائض و جنبی کو جائز ہی نہیں مکث و حضور
مسجدوں میں نزد اعظم مالکی پر ہو طہور
شافعی نے عابری سے ہے دیا اذنِ  مرور
با وضوء جنبی کو احمد نے کہا کر لے عبور
___________________التیمم طہارۃ مطلقۃ_______________
مطلقہ سمجھو طہارت تم تیمم جی حضور
ہے یہی مسلک ہمارا قولِ اعظم جی حضور
پر ثلاثہ کا ہے فتویٰ یہ طہارت ہے ولے
مطلقہ تو ہے نہیں ہاں ضرورت ہے ولے
_________________باب التیمم_________________
ہے طہورِ مومن و مسلم کہ پانی و تراب
بس تیمم ہے مقرر گر نہ پاے کوئی آب
البتہ ہیں ضربیں دو نزدِ ثلاثہ یاد رکھ
اور احمد نے کہا ہے اک ضرب دل شاد رکھ
پھر ثلاثہ نے کہا ہے اک ضرب تا مرفقین
نزدِ احمد کیفیت رسغین تک ہے از یدین
____________________الجنب یغسل رأسہ بالخطمی______________
ماۓ خطمی سے غسل بھی نزدِ حنفی ہے روا
اور نا جائز ہے ایسا یہ ثلاثہ نے کہا
_________________کیف یطھر الارض______________
پانی سے دھوۓ زمیں کو یہ ثلاثہ نے کہا
نزدِ اعظم از جفاف و حُفر سے یا صبِّ ماء